Hollywood Movei Review

በ M. Night Shyamalan ተደርሶ እና ተዘጋጅቶ ለእይታ የበቃው The Last Airbender የተሰኘው ፊልም በዓለም ህዝብ ዘንድ ከፍተኛ ተቀባይነት ቢያገኝም ወደኛ ኢትዮጵያዊ ይዘት ስናመጣው ፊልሙ ላነሳው ጭብጥ ሃሳብ እና ታሪክ ምሰሶ የሚሆነው መሰረታዊ እውቀት እና እውነት ከእኛ ዘንድ ይገኛል፡፡
የፊልሙ ጭብጥ ሃሳብ አራቱ ዓለማት ማለትም የምደር የእሳት የውሃ እና የንፋስ ዓለማት አንዳቸው በአንዳቸው ላይ ለመግነን የሚያደርጉትን ውጊያ እና ፍላጎት ፊልሙ እያሳየ የአራቱንም ዓለማት ሀይል የያዘው Aang የተሠኘው ገጸ ባህሪ የአራቱንም ዓለማት ሃይልና ባህሪ ተምሮ ጠቅልሎ በመያዝ አንዳቸው ዓለማት በአንዳቸው ላይ የሚያደርጉትን ውጊያ እና የሃይል ጥቃት በማስቆም በምድር ላይ የአራቱን ዓለማት ሃይል ለማመጣጠን የተሰጠውን ተፈጥራዊ ተልእኮ ለማስፈጸም ከጓደኞቹ ጋር ሲጥር ይታያል፡፡
ፊልሙ እንደ ፊልም በጣም ጥሩ ሲሆን ስለአራቱ ዓለማት የሃይል ሚዛን እኛ ጋር የተሻሉ እውነታዎች ስላሉ ይህን እውቀት ላወቀ አንድ ኢትዮጵያዊ የፊልሙ ጭብጥ ሊቀልበት ይችላል፡፡
የአባታችን አባት የቅርብ ወዳጅ የነበረው መልአኩ ቅዱስ ገብርኤል አባታችን አዳምን ከገነት ወደምድር ሲመልሰው ከአንድ አስራ ሁለት ዋሻ ካለው ተራራ ላይ ያሰፈረው ሲሆን እነዚህ አስራሁለት ዋሻዎች በሚያዋስነው ሶስት ዋሻዎች ባሉት ማእከላዊ ተራራ ላይ ካሰፈረው በኃላ የምድር ገዥነቱን የሚመልሱለትን የአራቱን ዓለማት ምስጢራት እና ጥበባትን አስተምረውታል ይህ ተራራም የምድር ማእከል የሆነው የየረር ተራራ ነው፡፡ አዳምም የተማረውን የአራቱ ዓለማትን ምስጢራት ለልጅ ልጆቹ ይተላለፍ ዘንድ በመጽሀፍ ጽፎ አስቀምጦታል ይህም መጽሀፈ ራዚኤል አልያም የህይወት መጽሀፍ የምንለው መጽሀፍ ነው፡፡ በዚህ መጽሀፍ ላይ በነዚህ አራት ዓለማት ውስጥ ስለሚገኙ ፍጥረታት እና ምስጢራት የሚተነትን ሲሆን በነዚህ ዓለማት መካከል ያለውን የሃይል የግዝፈት እና የጊዜ ልዩነት የሚስማሙበትን ድንቅ ጥበብ ይህ መጽሀፍ ይተነትናል፡፡የእግዚአብሔር ቅዱስ ፈቃድ ሆኖ በመልአኩ ቅዱስ ገብርኤል እና ቅዱስ ዑራኤል እነዚህን ምስጢራትም በመማር ነው አባታችን አዳም ከገነት በተመለሰ ወቅት በገነት እና በምድር መካከል የነበረውን የጊዜ የሃይል እና የግዝፈት ልዩነት በማቻቸል መኖር የቻለው፡፡ ይህ ብቻ ሳይሆንም በስጋዊ ባህሪያችን ያሉብን የአፈር የእሳት የውሃ እና የንፋስ ባህሪያት አንዳቸው በአንዳቸው ላይ ሳይገኑ አራቱን ባህርያት የምናስማማበትን ብሎም ሀይላቸውን ሀይላችን አድርገን እንድንጠቀም የሚረዱ ጥበባትም እንዲሁ ይህ መጽሀፍ ይተነትናል፡፡ ይህ መፅሐፍ ከዘራፊዎች ለመታደግ ሲባል ከሰባት መቶ ዘመናት በፊት አያቶቻችን በኤረር ባሉ ስፍራዎች ሰውረው እንዳኖሩት ይነገራል።

Read more: Hollywood Movei Review

ይከተሉን!